၁၃-၁၂-၂၀၂၃။ ဆဋ္ဌမအကြိမ် ထားဝယ်အမျိုးသားနေ့ အခမ်းအနားကို ယနေ့ နံနက် ၈ နာရီခွဲက ထားဝယ်မြို့၊ မြို့တော်ခန်းမ ကျင်းပသည်။
ရှေးဦးစွာ ထားဝယ်လူမျိုးစုစည်းမှုကော်မတီ(ဗဟို)အဖွဲ့က ထားဝယ်အမျိုးသားအလံတော်အား စင်မြင့်ထက်တွင် စိုက်ထူပြီး ဖိတ်ကြားထားသော ဧည့်သည်တော်များက အလံတော်အား အလေးပြုခဲ့ကြသည်။ ထို့နောက် ထားဝယ်လူမျိုးစုစည်းမှုကော်မတီ(ဗဟို) သြဝါဒစရိယဆရာတော်ဘဒ္ဒန္တဣန္ဒေါဘာသ (ရတနာ၊ထားဝယ်)က သြဝါဒကထာ မြွက်ကြားပြီး နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် သတိုးမဟာသရေစည်သူ သတိုးမဟာသီရိသုဓမ္မ ဗိုလ်ချုပ်မှူးကြီး မင်းအောင်လှိုင်ထံမှ ပေးပို့လာသော သဝဏ်လွှာအား ထားဝယ်လူမျိုးစုစည်းမှု ကော်မတီ (ဗဟို)ဦးစီးနာယက၊ ဂုဏ်ထူးဆောင်ဥက္ကဋ္ဌ၊ သီဟသုဓမ္မမဏိဇောတဓရ၊ ဒုတိယဗိုလ်မှူးကြီး တင်မြ (ငြိမ်း) က ဖတ်ကြားသည်။ ဆက်လက်၍ တိုင်းဒေသကြီးဝန်ကြီးချုပ်၊ သီရိပျံချီဦးမြတ်ကိုက ထားဝယ်လူမျိုးစုစည်းမှုကော်မတီက ဦးဆောင်၍ ထားဝယ်လူမျိုးများစုစည်းပြီး ထားဝယ်အမျိုးသားညီလာခံကို အောင်မြင်အောင် ကျင်းပနိုင်ခဲ့သော နတ်တော်လဆန်း (၁) ရက်နေ့ကို ထားဝယ်အမျိုးသားနေ့အဖြစ် သတ်မှတ်ပြီး ကျင်းပလာခဲ့သည်မှာ ယနေ့ဆိုရင် (၆) နှစ် ပြည့်မြောက်ခဲ့ပြီဖြစ်ကြောင်း၊ သမိုင်းအထောက် အထားများအရ ကောဇာသက္ကရာဇ် ၁၁၁၆ ခုနှစ်၊ တပေါင်းလဆန်း (၁၃)ရက်နေ့တွင် ထားဝယ်မြို့အား စတင်တည်ထောင်ခဲ့ပြီး “ဥဩအော်သည်ထားဝယ်တည်” ဟုဆိုကြကြောင်း၊ ထားဝယ်လူမျိုးများ မူလအစကတည်းက နေထိုင်ကြသောကြောင့် မြို့နာမည်ကို ထားဝယ်မြို့ဟု လိုက်ပါခေါ်ဆိုခြင်းဖြစ်ကြောင်း၊ ထားဝယ်လူမျိုး ပေါ်ပေါက်လာပုံ သမိုင်းကြောင်းအား ရှင်းလင်းပြောကြားပြီး၊ ထားဝယ်သူ/သားများက ရှေးဘိုးဘွားဘီဘင်များ၏ သမိုင်းအစဉ်အလာအား သိရှိထားပြီး လက်ဆင့်ကမ်းထိန်းသိမ်းထားရန် လိုအပ်ကြောင်း၊ တိုင်းဒေသကြီးအစိုးရအဖွဲ့အနေဖြင့် ရိုးရာယဉ်ကျေးမှုပွဲတော်၊ ဘာသာရေးပွဲတော်များ၊ ပျော်ပွဲရွင်ပွဲများကို ကျင်းပဆောင်ရွက်ပေးသွားမည်ဖြစ်ကြောင်း၊ ဒေသ၏ဖွံ့ဖြိုးတိုးတက်မှု၊ ဒေသ၏သာယာဝပြောမှု၊ ဒေသမှာရှိသော အလုပ်အကိုင် အခွင့်အလမ်းများ၊ ပညာရေး၊ ကျန်းမာရေး စောင့်ရှောက်မှု လုပ်ငန်းများကို ဝိုင်းဝန်းဆောင်ရွက်ပေးကြရန်လိုအပ်ကြောင်း၊ တိုင်းဒေသကြီးအစိုးရအဖွဲ့အနေဖြင့် ဒေသဖွံ့ဖြိုးတိုးတက်ရေးအတွက် ဆောင်ရွက်ပေးသွားမည်ဖြစ်ကြောင်း ပြောကြားသည်။ ဆက်လက်၍ တိုင်းရင်းသားလူမျိုးရေးရာဝန်ကြီးဌာန၊ ပြည်ထောင်စုဝန်ကြီးJeng Phan နော်တောင် မှပေးပို့လာသော သဝဏ်လွှာအား တိုင်းဒေသကြီး တိုင်းရင်းသားရေးရာဝန်ကြီး ဦးစောမာတင်လူသာ က ဖတ်ကြားပြီး ထားဝယ်လူမျိုး စုစည်းမှုကော်မတီ(ဗဟို)နာယက ဦးအောင်မြင့်က ထားဝယ် အမျိုးသားနေ့ ဖြစ်ပေါ်လာပုံနှင့် အခမ်းအနား ကျင်းပရခြင်း၏ ရည်ရွယ်ချက်အား ရှင်းလင်းပြောကြားသည်။ ထို့နောက် တိုင်းဒေသကြီးဝန်ကြီးချုပ်နှင့် တာဝန်ရှိသူများက ဆရာတော်၊သံဃာတော်များအား လှူဖွယ်ပစ္စည်းများ ဆက်ကပ်လှူဒါန်းပြီး နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၊ နိုင်ငံတော်ဝန်ကြီးချုပ် သတိုးမဟာသရေစည်သူ သတိုးမဟာသီရိသုဓမ္မဗိုလ်ချုပ်မှူးကြီး မင်းအောင်လှိုင်နှင့်ဇနီးမှ ထားဝယ်အမျိုးသားနေ့အတွက် လှူဒါန်းသော (၇၅) သိန်းကျပ်အား ဝန်ကြီးချုပ် ဦးမြတ်ကို က ပေးအပ်ရာ ဒုတိယဗိုလ်မှူးကြီးတင်မြ(ငြိမ်း)က လက်ခံရယူပြီး ဂုဏ်ပြု မှတ်တမ်းလွှာ ပြန်လည်ပေးအပ်ခဲ့သည်။ ယင်းနောက် တာဝန်ရှိသူများက ကြက်ခြေနီအသင်းအား ဂုဏ်ပြုဆုချီးမြှင့်ပြီး ထားဝယ်အမျိုးသားနေ့ အထိမ်းအမှတ် ဖူဆယ်ဘောလုံး အားကစားပြိုင်ပွဲတွင် ပထမဆု၊ ဒုတိယဆုနှင့် တတိယဆု ရရှိသော အသင်းများအား ဆုဖလား၊ ဆုတံဆိပ်နှင့် ငွေသားဆုများချီးမြှင့်ကာ ကော်မတီ(ဗဟို) ဥက္ကဋ္ဌဦးအောင်မျိုးက ထားဝယ်အမျိုးသားနေ့ အခမ်းအနား ကျင်းပနိုင်သည့်အတွက် ကျေးဇူးတင်စကား ပြောကြားသည်။ ဆက်လက်၍ တက်ရောက်လာသော ဧည့်သည်တော်များအား ထားဝယ်ရိုးရာအကများဖြင့် ဖျော်ဖြေတင်ဆက်ခဲ့ကြပြီး တိုင်းဒေသကြီးအစိုးရအဖွဲ့က ဇေယျဝတီကျောင်းတိုက်၌ သံဃာ့တော်များအား နေ့ဆွမ်းဆက်ကပ်ပြီး ဒေသခံပြည်သူများအား နေ့လည်စာဖြင့် တည်ခင်းဧည့်ခံခဲ့ကြောင်း သတင်းရသည်။ ကျော်ကျော်လတ် (ပြန်/ဆက်)
၂၃-၁၁-၂၀၂၂။ ထားဝယ်မြို့တွင် ပဥ္စမအကြိမ် ထားဝယ် အမျိုးသားနေ့ အခမ်းအနား ကျင်းပ
တနင်္သာရီတိုင်းဒေသကြီး၊ ပဥ္စမအကြိမ် ထားဝယ်အမျိုးသားနေ့ အခမ်းအနားကို ယနေ့နံနက် ၉ နာရီ က ထားဝယ်မြို့၊ ဟိုတယ်(ထားဝယ်)၌ ကျင်းပသည်။ ရှေးဦးစွာ ထားဝယ်လူမျိုး စုစည်းမှုကော်မတီ (ဗဟို) အဖွဲ့က ထားဝယ်အမျိုးသားအလံတော်အား စင်မြင့်တွင် စိုက်ထူပြီး အလံတော်အားအလေးပြုခဲ့ကြသည်။ ထို့နောက် ပျော်ဘွယ်ဘုန်းတော်ကြီးကျောင်းဆရာတော်ဥူးသုန္ဒရက သြဝါဒကထာမြွတ်ကြားပြီး နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၊ နိုင်ငံတော်ဝန်ကြီးချုပ်ဗိုလ်ချုပ်မှူးကြီး မဟာသရေစည်သူ မင်းအောင်လှိုင်ထံမှ ပေးပို့လာသော သဝဏ်လွှာအား ထားဝယ်လူမျိုး စုစည်းမှု ကော်မတီ (ဗဟို) ဦးစီးနာယက၊ ဂုဏ်ထူးဆောင်ဥက္ကဌ ဒုတိယဗိုလ်မှူးကြီး တင်မြ(ငြိမ်း)က ဖတ်ကြား သည်။ ဆက်လက်၍တိုင်းဒေသကြီးဝန်ကြီးချုပ်၊ သီရိပျံချီ ဦးမြတ်ကိုက ထားဝယ်သူ/သားများအနေဖြင့် မိမိတို့နေထိုင်ရာ သမိုင်းကြောင်းနှင့် ရှေးထားဝယ်လူမျိုးများ၏ သမိုင်းကြောင်းများကို သိရှိထားရန် လိုအပ်ကြောင်း၊ ထားဝယ်သူ/သားများက ရှေးဘိုးဘွားဘီဘင်များ၏ ယဉ်ကျေးမှုဓလေ့ထုံးတမ်း အစဉ်အလာများကို လက်ဆင့်ကမ်းထိန်းသိမ်းလာခဲ့သည့်အတွက် ဂုဏ်ယူဝင့်ကြွားစရာ ကောင်းလှကြောင်း၊ သမိုင်းပညာရှင် ပါမောက္ခဆရာကြီး ဒေါက်တာသန်းထွန်းက လွန်ခဲ့သော နှစ်ပေါင်း ၄၀၀၀ ခန့်ကတည်းက တနင်္သာရီတိုင်းမှာ လူသားမျိုးနွယ်တွေရှိနှင့်နေခဲ့ပြီးဖြစ်သည် ဆိုပါကြောင်း၊ ထားဝယ်လူမျိုး ပေါ်ပေါက်လာပုံ သမိုင်းကြောင်းအား ရှင်းလင်းပြောကြားပြီး၊ ထားဝယ်လူမျိုးများ အနေဖြင့် စီးပွားရေး၊ ပညာရေးများ ဖွံ့ဖြိုးတိုးတက်စေရန်အတွက် အားလုံးစုစည်းညီညွတ်မှသာ အောင်မြင်မည်ဖြစ်ကြောင်း၊ ထားဝယ်ဒေသဖွံ့ဖြိုးတိုးတက်ရန် ထားဝယ်သူ/သားများအနေဖြင့် တစ်ထောင့်တစ်နေရာကနေ ပါဝင်ရန် လိုအပ်ကြောင်း၊ ထားဝယ်လူမျိုးများ ညီညီညွတ်ညွတ်ဖြင့် လူမှုရေး၊ စီးပွားရေး ဖွံ့ဖြိုးတိုးတက်အောင် ဆောင်ရွက်ကြရန်လိုအပ်ကြောင်းနှင့် ထားဝယ်ဒေသ ဖွံ့ဖြိုးတိုးတက်ရေးအတွက် ဝိုင်းဝန်းဆောင်ရွက်ပေးရန် လိုအပ်ကြောင်း ပြောကြားသည်။ ဆက်လက်၍ တိုင်းရင်းသား လူမျိုးရေးရာဝန်ကြီးဌာန၊ ပြည်ထောင်စုဝန်ကြီး ဦးစောထွန်းအာင်မြင့်မှ ပေးပို့လာသော သဝဏ်လွှာအား တိုင်းဒေသကြီး လူမှုရေးရာဝန်ကြီးဦးယဉ်ထွေးက ဖတ်ကြားပြီး ဒုတိယဗိုလ်မှူးကြီးတင်မြ(ငြိမ်း)က ထားဝယ်အမျိုးသားနေ့ ဖြစ်ပေါ်လာပုံနှင့် အခမ်းအနားကျင်းပရခြင်း၏ ရည်ရွယ်ချက်အား ရှင်းလင်းပြောကြားသည်။ ထို့နောက် တိုင်းဒေသကြီးဝန်ကြီးချုပ်နှင့် တာဝန်ရှိသူများက ဆရာတော်၊ သံဃာတော်များအား လှူဖွယ်ပစ္စည်းများ ဆက်ကပ်လှူဒါန်းပြီး နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မဟာသရေစည်သူ မင်းအောင်လှိုင်မှ ထားဝယ်အမျိုးသားနေ့အတွက် လှူဒါန်းသော (၇၅)သိန်း ကျပ်အား ဝန်ကြီးချုပ် ဦးမြတ်ကိုက ပေးအပ်ရာ ဒုတိယဗိုလ်မှူးကြီးတင်မြ(ငြိမ်း)က လက်ခံရယူပြီး ဂုဏ်ပြုမှတ်တမ်းလွှာ ပြန်လည် ပေးအပ်ခဲ့သည်။ ယင်းနောက် တာဝန်ရှိသူများက ထားဝယ်အမျိုးသားနေ့ အထိမ်းအမှတ် ဖူဆယ်ဘောလုံး အားကစားပြိုင်ပွဲတွင် ပထမဆုနှင့် ဒုတိယဆု ရရှိသော အသင်းများအား ဆုတံဆိပ်နှင့် ငွေသားဆုများချီးမြှင့်ပြီး ကော်မတီ(ဗဟို) အထွေထွေအတွင်းရေးမှူး ဦးညွန့်ဝင်းက ထားဝယ် အမျိုးသားနေ့ အခမ်းအနား ကျင်းပနိုင်သည့်အတွက် ကျေးဇူးတင်စကား ပြောကြားခဲ့ကြောင်း သတင်းရသည်။ ခရိုင်(ပြန်/ဆက်)
၈-၁၂-၂၀၂၁။ စတုတ္ထအကြိမ် ထားဝယ်အမျိုးသားနေ့ ကျင်းပ
ပုဂ္ဂိုလ်ရေး၊လူတန်းစားအရေး အလျဉ်းမရှိဘဲ အမျိုးသားရေးနိုးကြားလာစေရန်ရည်ရွယ်၍ တနင်္သာရီတိုင်းဒေသကြီးအတွင်း
- ဗဟိုမှကျင်းပသည့် ( ၂ )နေရာ
- ရပ်ကျေး/ဇုန်အလိုက် ( ၂၈) နေရာ
- ရန်ကုန်မြို့တွင် ( ၁ ) နေရာ
စုစာပေါင်း ( ၃၁ ) နေရာကျင်းပနိုင်ခဲ့ပါသည်။
ပမအကြိမ် အမျိုးသားနေ့ထက် ဒုတိအကြိမ်အမျိုးသားနေ့ကို ပိုမိုပြည့်စုံသော အခင်အကျင်းဖြင့်ကျင်းပနိုင်ခဲ့ပါသည်
ဒုတိယအကြိမ် အမျိုးသားနေ့ထက် တတိယအကြိမ်အမျိုးသားနေ့ကို ပို့၍ပျံ့ကြဲအောင် ဆောင်ရွက်နိုင်ခဲ့ပါသည် တတိယအကြိမ်အမျိုးသားနေ့ထက် စတုတ္ထအကြိမ်အမျိုးသားနေ့ကို ပိုမိုပြည့်စုံအောင်ကျင်းပနိုင်ခဲ့ပါသည်။
တစ်နှစ်ထက်တစ်နှစ် ပိုမိုကောင်းမွန်ပြည့်စုံအောင် အလွှာသီးသီးကစိတ်ဝင်စားလာအောင် ဆောင်ရွက်နိုင်ခြင်း မိမိတို့ ထားဝယ်လူမျိုးထုတစ်ရပ်လုံး၏ အမျိုးဂုဏ်ဇာတိဂုဏ် တက်ကြွနိုးကြားခြင်း မျိုးချစ်စိတ်ဓာတ်ရှင်သန်ထက်မြတ်သော ရဟန်းရှင်လူတို့၏ စွမ်းဆောင်မှုကြောင့်ပင်ဖြစ်ပါသည်။ နောက်နောင် နတ်တော်လဆန်း ၁ ရက်နေ့ ရောက်တိုင်း ရောက်တိုင်း မိမိတို့ထားဝယ်လူမျိုးများ၏ အမျိုးသားနေ့ကို ပိုမိုကျစ်လျစ်ထည်ဝါသော အခင်းအကျင်းများဖြင့်ဆောင်ရွက်နိုင်လိမ့်မည်ဟု ယုံကြည်မိပါကြောင်း တင်ပြလိုက်ရပါသည်။
၈-၁၂-၂၀၂၁
ထားဝယ်လူမျိုးစုစည်ူမဗုကော်မတီ(ဗဟို)
၁၆-၁၂-၂၀၂၀။ ထားဝယ်မြို့တွင် တတိယအကြိမ် ထားဝယ်အမျိုးသားနေ့ အခမ်းအနားကျင်းပ။
တတိယအကြိမ် ထားဝယ်အမျိုးသားနေ့ အခမ်းအနားကို ယမန်နေ့နံနက် ၇ နာရီက တနင်္သာရီ တိုင်းဒေသကြီး၊ ထားဝယ်မြို့၊ ယဉ်ကျေးမှုပြတိုက်ဝင်းအတွင်း၌ ကျန်းမာရေးနှင့်အားကစား ဝန်ကြီးဌာန၏ ညွှန်ကြားချက်နှင့်အညီ ကျင်းပခဲ့ကြောင်း သိရသည်။ ရှေးဦးစွာ တက်ရောက်လာကြသူများက နိုင်ငံတော်အလံနှင့် ထားဝယ်အမျိုးသားအလံတို့အား အလေးပြုခဲ့ကြပြီး ပျော်ဘွယ် ဘုန်းတော်ကြီးကျောင်းမှ ပဓာနနာယက(ဉက္က) ဆရာတော် ဘဒ္ဒန္တဝိသုန္ဒရ က သြဝါဒကထာ စကားမြွတ်ကြားခဲ့သည်။ ထို့နောက် တိုင်းဒေသကြီးအစိုးရအဖွဲ့ဝန်ကြီးချုပ် ဦးမြင့်မောင်က ၂၀၁၇ ခုနှစ် နိုဝင်ဘာလတွင် ထားဝယ် အမျိုးသား ညီလာခံကြီးကို အောင်မြင်စွာကျင်းပနိုင်ခဲ့ပြီး ထားဝယ်အမျိုးသားနေ့ကို သတ်မှတ်နိုင်ခဲ့ကြောင်း၊ ထားဝယ်အမျိုးသားနေ့ကို ကျင်းပလာခဲ့သည်မှာ ယခုဆိုလျှင် တတိယအကြိမ်တိုင် ရောက်ရှိလာပြီဖြစ်ကြောင်း၊ ယခုနှစ်တွင် အမျိုးသားနေ့ အခမ်းအနား ကျင်းပမှုကို ကိုဗစ်-၁၉ ရောဂါဆိုင်ရာ ကျန်းမာရေးစည်းကမ်းချက်များနှင့်အညီ တနင်္သာရီ တိုင်းဒေသကြီး အတွင်း နေရာ (၃၀) ကျော်အထိ ဖြန့်ကျက်ပြီးပြုလုပ်နိုင်ခြင်းသည် ထားဝယ် လူမျိုးများ၏ အမျိုးဂုဏ်၊ ဇာတိဂုဏ်ကို ဖော်ထုတ်ပြသ လိုက်ခြင်း ဖြစ်ကြောင်း၊ နောင်လာမည့် နှစ်များတွင်လည်း ဒီထက်မကသော အခင်းအကျင်းများဖြင့် အမျိုးသားနေ့ အခမ်းအနားများကို ကျင်းပနိုင်ပါစေကြောင်း ပြောကြားပြီး ထားဝယ်လူမျိုး စုစည်းမှုကော်မတီ ဦးစီးနာယက ဂုဏ်ထူးဆောင်ဉက္က ဒုတိယဗိုလ်မှူးကြီး (ငြိမ်း) ဦးတင်မြက Video Conferencing ဖြင့် ထားဝယ်အမျိုးသားနေ့ဖြစ်ပေါ်လာပုံအကြောင်းအား ရှင်းလင်းပြောကြားသည်။
ဆက်လက်၍ ပြည်ထောင်စုလွှတ်တော်နာယက၊ ပြည်သူ့လွှတ်တော်ဉက္က ဦးတီခွန်မြတ်မှ ပေးပို့လာသောသဝဏ်လွှာအား တိုင်းဒေသကြီးလွှတ်တော်ဉက္က ဦးခင်မောင်အေးက လည်းကောင်း ၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်မှ ပေးပို့ လာသော သဝဏ်လွှာအား တိုင်းဒေသကြီး အစိုးရအဖွဲ့ဝင် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ကျော်ဇေယျကလည်းကောင်း၊ တိုင်းရင်းသား လူမျိုးရေးရာဝန်ကြီးဌာန၊ ပြည်ထောင်စုဝန်ကြီး နိုင်သက်လွင်မှ ပေးပို့လာသော သဝဏ်လွှာအား တိုင်းဒေသကြီး အစိုးရအဖွဲ့ဝင် ကရင်တိုင်းရင်းသားရေးရာဝန်ကြီး ဦးစောလုကာကလည်းကောင်း၊ ထားဝယ် အသင်း (မော်လမြိုင်) မှပေးပို့သော သဝဏ်လွှာအား အတွင်းရေးမှူး ဦးညွှန့်ဝင်းက လည်းကောင်း၊ ထားဝယ်လူမျိုးတိုးတက်ရေးအသင်း (ထိုင်းနိုင်ငံ) မှ ပေးပို့လာသော သဝဏ်လွှာအား ဒုတိယဉက္ကဦးကျော်လွင်ကလည်းကောင်း အသီးသီးဖတ်ကြား ခဲ့ကြသည်။ ထို့နောက် ထားဝယ်လူမျိုးစုစည်းမှုကော်မတီဉက္က ဦးအောင်မျိုးက ကျေးဇူးတင်စကား ပြောကြားပြီး ထားဝယ်အမျိုးသားနေ့ ကျင်းပနိုင်ရေးအတွက် အလှူငွေကျပ်(၁)သိန်းကို ထားဝယ်လူမျိုးစုစည်းမှု ကော်မတီနာယက ဦးအောင်မြင့်နှင့်ဇနီးတို့က ပေးအပ်ရာ နာယက ဦးထွန်းကြည်က လက်ခံယူပြီးဂုဏ်ပြုမှတ်တမ်းလွှာ ပြန်လည်ပေးအပ်ခဲ့သည်။ ဆက်လက်၍ ထားဝယ်အမျိုးသားနေ့ အောင်မြင်စွာ ကျင်းပနိုင်ရေးအတွက် အဖက်ဖက်မှ ကူညီပေးသော တာဝန်ရှိသူများအား ဂုဏ်ပြုမှတ်တမ်းလွှာများ ပေးအပ်ခဲ့ကြပြီး စုပေါင်း မှတ်တမ်းဓာတ်ပုံ ရိုက်ခဲ့ကြကြောင်း သိရသည်။ ကျော်ကျော်လတ် (IPRD)
၂၇-၁၁-၂၀၁၉။ ထားဝယ်အမျိုးသားနေ့ ကျင်းပခဲ့ပါသည်။
၈-၁၂-၂၀၁၈။ ထားဝယ်အမျိုးသားနေ့အခမ်းအနားကျင်းပ
ထားဝယ်အမျိုးသား ညီလာခံတစ်ရပ်ကျင်းပရန်၊ ထားဝယ်လူမျိုးတို့၏ ယဉ်ကျေးမှု အမွေအနှစ်များကို ကာကွယ်ထိန်းသိမ်းရန်၊ ထားဝယ်လူမျိုးများအကြားတွင် အမျိုးသားရေး နိုးကြားလာစေရန်၊ ထားဝယ်လူမျိုးများကို စုစည်းပြီး ယင်းစုစည်းရရှိသော အင်အားစုဖြင့် ထားဝယ်လူမျိုးရေးနှင့် ပတ်သက်သည့် ကိစ္စရပ်များကို စုစည်းညီညွတ်စွာ လုပ်ဆောင်သွားရန် ရည်ရွယ်ချက်ဖြင့် ထားဝယ်အမျိုးသားနေ့အခမ်းအနားကို ဒီဇင်ဘာ ၈ ရက်နံနက်ပိုင်းတွင် တနင်္သာရီတိုင်းဒေသကြီး၊ ယဉ်ကျေးမှုပြတိုက်၌ ပြုလုပ်ကျင်းပသည်။ ရှေးဦးစွာ ဇေယျဝတီ ကျောင်းတိုက်ဆရာတော်ဘဒ္ဒန္တသူရိယ သြဝါဒစကား ပြောကြားပြီး သဘာပတိအဖွဲ့ဝင် ဒုတိယဗိုလ်မှူးကြီး တင်မြ(ငြိမ်း) က ထားဝယ်အမျိုးသားနေ့ ဖြစ်ပေါ်လာပုံအကြောင်း ရှင်းလင်းပြောကြားသည်။ ဆက်လက်၍ ပြည်ထောင်စုလွှတ်တော် နာယက၊ ပြည်သူ့လွှတ်တော်ဥက္ကဋ္ဌ ဦးတီခွန်မြတ်မှ ပေးပို့လာသော သဝဏ်လွှာအား တိုင်းဒေသကြီးလွှတ်တော်ဥက္ကဋ္ဌ ဦးခင်မောင်အေးက ဖတ်ကြားပြီး တာဝန်ရှိသူများက တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်မှ ပေးပို့သော သဝဏ်လွှာနှင့် ပြည်ထောင်စု တိုင်းရင်းသား လူမျိုးများရေးရာ ဝန်ကြီးဌာန ပြည်ထောင်စုဝန်ကြီး နိုင်သက်လွင်မှ ပေးပို့သော သဝဏ်လွှာများအား ဖတ်ကြားကြသည်။ ၎င်းနောက် အလေးပြုခြင်းနှင့် အလံတင်ခြင်း အခမ်းအနားအား ဆက်လက်ကျင်းပခဲ့ရာ ဒုတိယဗိုလ်မှူးကြီး ဦးတင်မြ (ငြိမ်း) မှ ဦးဆောင်၍ ထားဝယ်အမျိုးသားအလံအား ယာဉ်ကျေးမှုပြတိုက်ရှေ့ နိုင်ငံတော်အလံဘေးတွင် တင်ခဲ့ပြီး တက်ရောက်လာသူများနှင့် နိုင်ငံတော်အလံနှင့် ထားဝယ်အမျိုးသားအလံတို့အား အလေးပြုခဲ့ကာ အောင်ပြီ (၃)ကြိမ် ကြွေးကြော်ခဲ့ကြသည်။ ဆက်လက်၍ တာဝန်ရှိသူများက ထားဝယ်အသင်း (မန္တလေး)မှ ပေးပို့သော သဝဏ်လွှာ၊ ထားဝယ်အသင်း (မော်လမြိုင်)မှ ပေးပို့သော သဝဏ်လွှာ၊ ထားဝယ်လူမျိုး တိုးတက်ရေးအသင်း (ထိုင်းနိုင်ငံ) မှ ပေးပို့သော သဝဏ်လွှာ ထားဝယ်တိုင်းရင်းသားများပါတီ (ဗဟို) မှ ပေးပို့သော သဝဏ်လွှာများအား ဖတ်ကြားခဲ့ကြပြီး ထားဝယ်လူမျိုးစုစည်းမှု ကော်မတီသတင်းနှင့် ပြန်ကြားရေးတာဝန်ခံ ဦးအောင်မျိုးက အခမ်းအနား ကျင်းပရခြင်းနှင့်ပတ်သတ်၍ ရှင်းလင်းပြောကြား၍ ထားဝယ်လူမျိုးစုစည်းမှု ညှိနှိုင်းရေးမှူး ဦးတင့်လွင်က ထားဝယ်လူမျိုး ဖြစ်ပေါ်လာပုံအကြောင်းအား ရှင်းလင်းပြောကြားသည်။ ယင်းနောက် ဆရာတော် ဘန္ဒန္တဣဘာသက ကျေးဇူးတင်စကားပြောကြားပြီး တက်ရောက်လာသူများက ယဉ်ကျေးမှုပြတိုက်အတွင်း ထားဝယ်လူမျိုးပြကွက်များအား လှည့်လည်ကြည့်ရှုကာ ထားဝယ်ရိုးရာယဉ်ကျေးမှုအကအဖွဲ့မှ ယမ်းအကနှင့် ရေအိုးရွက်အကများဖြင့် ကပြဖျော်ဖြေခဲ့ကြောင်း သတင်းရရှိသည်။ ထားဝယ်ခရိုင်(ပြန်/ဆက်)
၁၈-၁၁-၂၀၁၇။ ထားဝယ်အမျိုးသား ညီလာခံကို ကျင်းပခဲ့ပါသည်။
ထားဝယ်အမျိုးသားနေ့၊ အမျိုးသားအလံ၊ အမျိုးသားတံဆိပ် ပေါ်ပေါက်နိုုင်ဖိုု့နဲ့ ထားဝယ် စကား၊ စာပေနဲ့ ထားဝယ်ရိုးရာယဉ်ကျေးမှုတွေကိုု ဖော်ထုုတ်မြှင့်တင်နိုုင်ဖိုု့ ရည်ရွယ်ပြီး ပထမဆုုံးအကြိမ် ထားဝယ်အမျိုးသားညီလာခံကိုု ကျင်းပနေပါတယ်။ တနင်္သာရီတိုုင်းဒေသကြီး၊ ထားဝယ်မြို့၊ ရွှေဝယ်သီရိ အားကစားခန်းမမှာ နိုုဝင်ဘာ ၁၈ ရက်နေ့က စတင်ကျင်းပနေတာပါ။ နိုဝင်ဘာ ၁၈ ရက်နေ့ကနေ ၁၉ ရက်နေ့အထိ ကျင်းပမယ့် ဒီညီလာခံမှာ ထားဝယ်လူမျိုး၊ ထားဝယ်ဒေသယဉ်ကျေးမှု၊ ထားဝယ်ဝေါဟာရ သမိုုင်းလေ့လာချက်စာတမ်းတွေကိုု တင်သွင်းဖတ်ကြားသွားမယ်လိုု့ သိရပါတယ်။ အခုုကျင်းပနေတဲ့ ညီလာခံကိုု သံဃာတော်တွေနဲ့ ထားဝယ်လူမျိုး တစ်ထောင်နီးပါး တက်ရောက်ဆွေးနွေးနေကြတာပါ။ တနင်္သာရီတိုုင်းဒေသကြီးအပါဝင် မြန်မာနိုင်ငံအရပ်ရပ်က ထားဝယ်လူမျိုးတွေ လာရောက်စုုဝေးပြီး ညီလာခံကို ကျင်းပနေတာပါ။ သတင်းနှင့်ဓာတ်ပုံ - ကျော်စိုး
